तिलाठीमा अन्तर्राष्ट्रिय दंगल प्रतियोगिता

विद्यानन्द विक्की
राजविराज, २१ माघ । सरस्वती पुजा तथा सहिद सप्ताहको अवसर पारेर सप्तरीको तिलाठीमा तीन दिने अन्तर्राष्ट्रिय कुश्ती (दंगल) प्रतियोगिता आयोजना हुने भएको छ ।
महिला तथा पुरुष कुश्तीवासहरुको प्रतियोगितामा सहभागीता रहने सरस्वती पूजा समिती तिलाठीका सचिव निरज मुक्तिले जानकारी दिएका छन् ।
२०४२ सालको बम काण्डमा वेपत्ता पारिएका सांकेतचन्द्र मिश्रको समझना स्वरुप सरस्वती पूजा समिती तिलाठीको आयोजनामा स्थानिय पाठशाला मैदानमा अन्तर्राष्टिय कुश्ती प्रतियोगिता हुन् लागेको उनले बताए ।  
कुश्ती प्रतियोगिता शुक्रवार दिउँसो १ बजेदेखि सञ्चालन हुने समितीका सचिव निरजले बताए । उनका अनुसार राति नाटक प्रदर्शन र अन्तिम दिन (आईतवार) राति मैथिली संगीत क्षेत्रका सुर्पसिद्ध गायक कुञ्ज विहारी मिश्रको सांस्कृतिक कार्यक्रम समेत हुनेछ ।