रिहाइ भए भारतीय सेना चौहान

एजेन्सी, ८ माघ । पाकिस्तानी सेनाले पक्राउ गरेको भनिएका भारतीय सेनाका जवान चन्दु चौहान शनिबार रिहाइ भएका छन् । भारतीय सञ्चार माध्यमहरुका अनुसार पाकिस्तानी सेनाले चौहानलाई भारत पाकिस्तान बोर्डरमा ल्याएर भारतीय एजेन्सीलाई सुम्पेको थियो ।
रिहाई पश्चात भारतीय डक्टरको टिमले चन्दु्को मेडिकल चेकअप गरेको थियो ।
चन्द्को परिवारले भारत सरकारलाई सकुशल रिहाईको पहल गरिदिएकोमा भारत सरकारलाई धन्यवाद दिएको छ ।
राष्ट्रिय राइफल्समा कार्यरत उनी सिनियर कमान्डरहरुसँग असन्तुष्ट भएर पाकिस्तानी भूमिमा गएका थिए । जानकारीका अनुसार चन्दु गत विहिवार दिउँसो आफ्ना सिनियरसँग भनाभन भएपछि रिसाएर साथिहरुले नजान आग्रह गर्दा पनि पाकिस्तानी सिमा क्रस गर्न पुगेका थिए ।
चन्दु राष्ट्रिय राइफल्समा कार्यरत थिए । भारतीय गृहमन्त्री राजनाथ सिंहले चन्दुलाई फिर्ता ल्याउन पाकिस्तान सरकारसँग पहल गरेका थिए ।