एमपिएल सिजन–२ मा गणपति र रञ्जितपुर विजयी

विद्यानन्द विक्की
राजविराज, ५ कात्तिक । सप्तरीमा सञ्चालित मधेश प्रिमियर लिग (एमपिएल) टि–टवान्टी क्रिकेट प्रतियोगिताको सिजन–२ अन्तर्गत शुक्रवार सम्पन्न दुई चरणको खेलमा गणपति र रञ्जितपुर राईडर्स विजयी भएको छ ।
    गाणपतिले झापा ईलेभनलाई ९ बिकेटले पराजित गर्दै विजयी भएको छ भने रञ्जितपुर राईडर्सले सुनसरीलाई ५० रनले पराजित गरेको छ ।
    राजविराज रंगशालामा भएको पहिलो चरणको खेलमा टस जितेर व्याटिङ्ग गर्दै झापा ईलेभनले निधारित २० ओभरमा सबै बिकेट गुमाई १ सय १३ रनको योगफल तयार गरेका थिए ।
   उसका लागि राज थापा २१ रन, क्षितिज पोखरेल तथा लाक्पा लामाले समान्य १९÷१९ रनको योगदान दिएका थिए । बलिंङ्गतर्फ गणपतिका कुशल भुर्तेल तथा आरिफ शेखले समान्य २÷२ बिकेट र बिजय भारतीले १ बिकेट हात पारेका थिए ।
जवाफमा १ सय १४ रनको लक्ष्य साथ मैदानमा आएका गणपतिले १२.१ ओभरमा मात्र १ बिकेटको क्षतिमा आफनो बिजय लक्ष्य पुरा गरेका थिए ।

    उसका लागि बिजय भारतीले उत्कृष्ट  ७२, राजेश सिँह २३ रन अबिजित र अभिनाष कर्णले पनि नटआउट खेल्दै १७ जोडेका थिए । बलिङ्गतर्फ झापाका अमित श्रेष्ठले १ बिकेट लिएका थिए । खेलको म्यान अफ दि म्याच गणपतिका बिजय भारती घोषित भएका थिए ।
    आजै सम्पन्न दोश्रो चरणको खेलमा टस जितेर रंजितपुरले निर्धारित २० ओभर खेल्दै १ सय २ रनको योगफल तयार पारेका थिए । उसका लागि रबिन्द्र यादब २८,बिका्रन्त देव २१, बिनय देवले १२ रनको योगदान दिएका थिए ।
     बलिंग तर्फ सुनसरीका फिरोज आलमले किफाईती बलिंग गर्दे ४ ओभरमा १८ रन खर्चेर ३ बिकेट हात पारेका थिए भने सनोज यादबले पनि ३ बिकेट हात पारेका थिए । रंजितपुरका अनिष आलमले घातक बलिंग गर्दे ४ ओभरमा १० रन खर्चे सुनसरीको ५ बिकेट झटके पछि जवाफमा आर्लेका  सुनसरीले १३ ओभरमा आफनौ सबै बिकेट गुमाई ५३ रनमै सिमित रहे पछि रंजितपुरले ५० रनको अन्तरले बिजय हासिल गरेका थिए ।
    सुनसरीका लागी अफजल हुसेनले ११ रन वाहेक कुनै खेलाडीले दोहोरो अंक पार गर्न सकेन । रंजितपुरलाई जिताउन बिक्रान्त देवले पनि  २ बिकेट लिएका थिए । दाश्रो चरणको खेलमा म्यान अफ दि म्याच रंजितपुरका अनिष आलम घोषित भएको थियो ।