भारतको वाराणसीको राजघाट पुलमा भागदौड हुँदा १८ जनाको मृत्यु

एजेन्सी, २९ असोज / भारतको प्रसिद्ध धार्मिक स्थल वाराणसीको राजघाट पुलमा भागदौड हुँदा १८ जनाका मृत्यु भएको छ । भागदौडमा परी धेरै जना घाइते भएका छन् ।

वाराणसी र चन्दौलीको बिचमा पर्ने राजघाट पुलमा भागदौड मच्चिएको भारतीय सञ्चार माध्यमहरुले जनाएका छन् ।

धार्मिक कार्यक्रम चलिरहँदा भागदौड भएपनि के कारण भागदौड मच्चियो भन्ने एकीन भएको छैन । घाइतेहरुको स्थानीय अस्पतालमा उपचार भइरहेको छ ।