सिएफएम सम्वाददाता 

राजविराज, ४ पुस । नेपाली फिल्म ‘चपली हाइट’ का नायक राज घिमिरेलाई प्रहरीले अपहरण र कुटपिटको आरोपमा शुक्रबार पक्राउ गरेको छ । आर्थिक कारोबारको विषयलाई लिएर गोदावारीका कुमार सिलवाललाई अपहरण गरेको आरोपमा प्रहरीले घिमिरलाई पक्राउ गरेको हो ।

 

सिलवालले आफूलाई घिमिरेले घरबाटै अपहरण गरेको भन्दै प्रहरीमा जाहेरी दिएका थिए । उनले घिमिरेले आफूलाई सुरुमा नजिकैको होटल छहारी र त्यसपछि जंगलमा लगेर पनि कुटपिट गरेको उजुरीमा उल्लेख गरेका छन् ।

 

प्रहरीले घिमिरेविरुद्ध अपरहरण तथा शरीर बन्धकको अभियोगमा मुद्दा चलाउन अदालतबाट शुक्रबार नै ५ दिनको म्याद लिएको छ । घटनाबारे थप अनुसन्धान भइरहेको ललितपुर प्रहरीले जानकारी दिएका छन्। घिमिरेलाई ललितपुर प्रहरीले  हिरासतमा राखिएको छ ।