संजय दत्तलाई जेलबाट छुट्टी

पुस १० -  भारतीय कलाकार संजय दत्त जेलबाट घर पुगेका छन् । उनको अपिलमा पुणेको यरेवाडा जेल प्रशासनले १४ दिनको अस्थाई छुट्टी दिएको भारतीय सञ्चार माध्यमले जनाएका छन् ।

छुट्टीका लागि आफूले ५ महिनाअघि नै प्रशासनलाई निवेदन दिएको कलाकार दत्तले बताएका छन् । उनले सञ्चारकर्मीसंग जेलमा रहदा १८ किलो तौल घटाएको पनि खुलासा गरेका छन् । सन् १९९३ मा मुम्बईमा भएको विस्फोटमा जोडिएको आरोपमा संजय दत्तले ४२ महिना जेल सजाय पाएका हुन् ।

सन् २०१३ मा अदालतले जेल सजाय तोकेपछि उनीले सजाय काटिरहेका छन् । भारतमा कुनै कैदीले छुट्टी मागेर निवेदन दिएकोमा प्रशासन राजी भए छुट्टी दिने कानुनी व्यवस्था छ ।