आर्यन र ध्रुवको दुई हिरोइनसँग यस्तो स्टाइल

२६ असोज । बेलायतमा रहेर पनि नेपालमा सिनेमा खेल्न बारम्बार आइरहन्छन्, कलाकार ध्रुव दत्त । हालै मात्र उनले बसन्त निरौलाको निर्देशनमा बनेको चलचित्र ‘आबेग’मा अभिनय गरे । यो चलचित्रमा उनको भूमिका दमदार देखिएको छ ।

उनले आधा दर्जन नेपाली सिनेमामा काम गरिसकेका छन् । उनले चलचित्र ‘आबेग’मा आफ्नो भूमिका अरुको भन्दा भिन्न रहेको बताए । सूर्य कार्कीको प्रस्तुतीमा तयार भएको सिनेमामा आर्यन सिग्देल, पवित्रा आचार्य, ध्रुव दत्त, अर्चना डेलालाको मुख्य भूमिका छ ।

चलचित्रमा पुरुषोत्तम प्रधानको छायांकन, कविराज गहतराजको नृत्य छ । चलचित्रको निर्माण धन सिंह केसी र राजेन्द्र घिमिरेले गरेका हुन् । कलाकार दत्त फेरि २ वटा सिनेमा खेल्न नेपाल आउने बताउँछन् ।