नांगो ड्राइभरलाई समात्न ….

विकसित देशतिर मापसेको कुरा पुरानो भैसकेको छ। बरु हिजो-आज त्यहाँ नाङ्गै गाडी चलाउनेहरूबाट हैरानी बढ्दो छ। बेलायतमा नाङ्गै गाडी चलाएको आरोपमा एक भ्यान ड्राइभर पक्राउ परेका छन्। हर्टफोर्डसयरको उक्त घटनामा ती नाङ्गा ड्राइभरलाई पक्राउ गर्न हेलिकोप्टर नै परिचालन गर्नुपर्‍यो। समाचारमा जनाइएअनुसार प्रहरीले रोक्न खोज्दा भ्यान ड्राइभर भागेका थिए। उनले बेपत्ताले गाडी हुइँक्याएपछि ट्राफिक प्रहरीले हेलिकप्टर बोलाएको थियो। हेलिकोप्टर प्रयोग गरेर गाडी रोकेपछि २१ वर्षीय ड्राइभरलाई पक्राउ गरी जनमातमा रिहा गरिएको प्रहरी अधिकारीहरूले बताएका छन्।