सिएफएम, ३ असार ।

विपदके अत्यधिक जोखिममे रहल सप्तरीमे बाढि आ बाढिसँ फैलल महामारीके कारण बर्षेनी सरदर ६० गोटके ज्यान गुमाब परिरहल तथ्यांक सार्वजनिक भेल अछि । जिल्ला दैवी प्रकोप उद्धार समिति तथा नेपाल रेडक्रस सोसाइटी सप्तरीद्वारा विभिन्न निकायसँ मिलके करल गेल अध्ययनसँ सप्तरीमे हरेक बर्ष बाढि आ बाढिके कारण फैलल रोगके कारण ई संख्यामे लोकके मृत्यु भऽरहल देखौने अछि ।

बाढि आ ओहिके बाद फैलैबाला विभिन्न प्रकारके रोगके महामारीसँ बर्षेनी सरदर ६० गोटेके अनाहकमे ज्यान गुमा परिरहल अछि । बाढिसँ मात्र हरेक बर्ष करिब १० गोटके मृत्यु होएत अछि । बाढि पश्चात फैलल महामारीसँ हरेक बर्ष करिब ५० गोटके मृत्यु होएत आविरहल ओहि प्रतिवेदनमे उल्लेख अछि । जिल्लाके ३३ गाविस बाढिके उच्च जोखिममे अछि । उच्च जोखिममे रहल ३३ गाविसके ६ हजार ४ सौ २ परिवारके ३८ हजार ४ सौ १२ गोट बाढिसँ प्रभावित होएत अछि आ साढे ४ अर्ब रुपैयासँ बेसीके क्षति होएत अछि । ६५ परिवारके २ सौ ९० गोट बाढिके कारण विस्थापित होएक अवस्था रहल ओहि प्रतिवेदनमे देखाओल गेलअछि ।

कोशी सहित एक दर्जन बढि नदीसँ सप्तरी सदरमुकाम राजविराज लगायत विभिन्न ६२ सँ बेसी गाविसके प्रभाव पार्ने अछि । कजरा, मुतनी, घोडदह, भलुवाही, गंगाजली, जिता, सुरुङ्गा, पौडा, विहुल, पाँची, सिंहेश्वर, अमहा, खाडो आ महुली नदीद्वारा बर्षेनी बडका परिमाणमे धनजनके क्षति होएत आविरहल प्रतिवेदन जनौने अछि ।

प्रतिवेदनमे पाल्तु जनावर, बालीनाली तथा और सम्पत्ति करि बाढिके उच्च जोखिममे रहल ३३ गाविसमे प्रतिगाविस बर्षेनी १३ करोड ४२ लाख मूल्य बराबरके क्षति होएत आविरहल अछि ।

जिल्ला विपद् उघार समितिके अध्यक्ष समेत रहल सप्तरीके प्रमुख जिल्ला अधिकारी हरिकृष्ण पौडेलद्वारा मनसुनी बर्षासंगे सुरु हौएबाला बाढिके जोखिमके कम करैके लेल सबकोई अपन स्तरसँ पहल करपरल बतौलक अछि । 

अपन श्रोत आ साधनद्वारा जिल्लाके सम्पूर्ण जोखिमयुक्त गाविसमे सेवा निह दैले नहि सकव जोखिम न्यूनीकरण, राहत तथा उद्धारके काममे सब सरोकारबालासभद्वारा सहयोग करपरल नेपाल रेडक्रस सोसाइटी सप्तरीके सभापति जोगेन्द्र भगतके कथन अछि । रासस