एकिकृत घुम्ती सेवा शिविर सँ १८ हजार ४ सौ ७५ गोट सेवा लेलक
सिएफएम डेस्क, ९ जेठ
सरकारके नीति आ कार्यक्रमअनुसारे जिल्ला प्रशासन कार्यालय सप्तरीद्वारा महिना दिनतक सञ्चालन भेल “एकीकृत घुम्ती सेवा शिविर”सँ १८ हजार ४ सौ ७५ गोट व्यक्ति सेवा लेलक अछि । सर्वसाधारणके घरदैलोमे सेवा प्रवाह करैके लेल जिल्ला प्रशासन कार्यालयद्वारा जिल्लाके ६ क्षेत्रके भिन्न भिन्न ६ स्थानमे सञ्चालन भेल घुम्ती सेवा शिविरसँ १८ हजार ४ सौ ७५ गोट व्यक्ति सेवा लेलक सहायक सिडिओ बलभद्र गिरी जानकारी देलैन ।
शिविरसँ ४ हजार ८ सौ १४ गोटके नागरिकता वितरण, ३ हजार ८ सौ २ गोटके फोटो सहितके मतदाता नामावली संकलन, १ हजार ३ सौ ९६ गोटके स्वास्थ्य परिक्षण, १ हजार ५ सौ ५६ पशुके जाँच आ १ हजार ३ सौ १९ गोटेके प्राविधिक सेवा सहितके कृषि बीउ बिजन वितरण केलक अछि ।
शिविरसँ नागरिकता वितरण कएल गेल ४ हजार ८ सौ १४ गोटे मे सँ वंशजके आधारम २ हजार ३ सौ ४९ गोट महिला, १ हजार ५ सौ ७९ गोट पुरुष अछि । ताहिना जन्मके आधारमे ३४ गोट महिला, ६६ गोट पुरुष आ ७ सौ ८६ गोट वैवाहिक अंगिकृत नागरिकता वितरण कएल गेल अछि ।
घुम्ती सेवा शिविर सञ्चालन करैके लेल वितल वैशाख १५ सदरमुकाम राजविराजसँ चलल टोली सदरमुकाम फिर्ता भेल अछि । वैशाख १५ गतेसँ कमलपुर गाविसँ सुरु भेल घुम्ती सेवा शिविर जेठ ६ गते छिन्नमस्ता गाविसमे आवि समाप्त भेल अछि ।
