सि.एफ.एम न्युज डेस्क

राजबिराज ।

प्रधानमन्त्री कप पुरूष सिनियर राष्ट्रिय क्रिकेट प्रतियोगिताका लागि जिल्ला प्रधानमन्त्री स्तरीय  छनोट सुरू गरिएको छ । शनिबार देखि पुस  १२ गते सम्म संकलन हुने सप्तरी जिल्ला स्तरीय सिनियर खेलाडी छनोट प्रतियोगिता सुरु गरिएको हो ।

प्रतियोगितामा सहभागिताका लागि जिल्लाका ५ टिम बिच प्रतिस्पर्धा गराई उत्कृष्ट प्रदर्शन गर्ने खेलाडीहरूवाट सप्तरी सिनियर पुरूष टिम चयन गरिने जनाइएको छ ।

शनिवार भएको पहिलो र दोस्रो खेलमा  राजदेबी सप्तरी ११ र डाक्नेश्वरी सप्तरी ११ बिजय भएका छन।

सप्तरी क्रिकेट सँघको आयोजनामा राजबिराज स्थित स्थानिय पबिमाबि खेलमैदानमा पहिलो खेलमा राजेदबी सप्तरी ११ ले कंकालनी सप्तरी ११ लाई ५ बिकेट पराजित गर्दै बिजय सुरूवात गरेको छ ।

टस जितेर ब्याटिंग गर्दै कंकालनीले निर्धारित २० ओभरको खेलमा २ बिकेटको क्षतिमा १ सय १३ रनको योगफल खडा गरेका थिए।

जसमा बिकास दासले सर्वाधिक ३८ रन अविजित खेलेका थिए भने पप्पु यादब १४, ताउसिफले १० रन बनाएका थिए । बलिंग तर्फ राजदेबीका सुशान्त देव २,  बिजय यादब र निकु यादबले समान्य १/१ बिकेट हात पारेका थिए ।

जवाफमा राजदेबीले २ बिकेटको क्षतिमा बिजयी हासिल गरेका थिए । जसमा नितेश यादबले ३९ र अमित यादबले ३३ रन बनाउदै अविजित खेल्दै टिमलाई जिताएका थिए, भने प्रवेष यादबले पनि १७ रन जोडे ।

बलिंग तर्फ कंकालनीका असोक यादब र सोहिल ले १/१ बिकेट लिएका थिए । खेलको म्यान अफ दि प्लेयर नितेश यादब घोषित भएका थिए।

यसैगरी दोस्रो खेलमा शम्भुनाथले टस जितेर ब्याटिंग गर्दै ९ बिकेटको क्षतिमा १ सय २७ रनको योगफल खडा गरेका थिए । जसमा रेबती राय २६ रन, अनिल यादब २२ निरज यादब २१ र गौतम साह १० रन बनाएका थिए ।

बलिंग तर्फ डाक्नेश्वरीका गुणान्द राय र रमानन्नदले समान्य २ बिकेट तथा अभिषेक कार्की, सन्दिप यादब, अजय यादबले समान्य १/१ बिकेट लिएका थिए ।

प्रतिउतरमा डाक्नेशवरीले ५ बिकेटको क्षतिमा बिजय लक्ष्य पार गरेका थिए । जसमा गुणान्द रायको उत्कृष्ट ब्याटिंग गर्दै १० चौका र १ छक्काको मदतले सर्वाधिक ७५ रन बनाउदै अविजित खेलेपछि जित सहज भएको थिया । यसैगरी अर्का ब्याटर वसन्त यादबले १४ रन,अमन यादब १२ रन जोडेका थिए । बलिंग तर्फ शंभुनाथका भोला भण्डारीले ३ बिकेट र रेबती राय, धिरज समान्य १/१ बिकेट हात पारेका थिए । दोस्रो खेलको म्यान अफ दि प्लेयर गुणान्द रायलाई घोषित गरेका थिए ।

आइतबारको खेलमा राजदेवी र डाक्नेश्वरी तथा छिन्मस्ता र कंकालिनी बिच हुने सप्तरी क्रिकेट सँघका सचिव चन्दन यादबले जानकारी दिएका छन ।