राजविराज, ५ भदौ । भारतीय राज्य जम्मू कश्मिरको किश्वताड जिल्लामा मङ्गलवार पहिरोमा पुरिएर ११ जनाको मृत्यु भएको छ । डोडा–किश्वाताड राजमार्गमा पहिरो जाँदा ७ जना घाईते भएको दैनिक जागरणको अनलाइन संस्करणमा जनाएको छ ।

मृतकमध्ये केवल कुमार, आकांक्षा देवी, अमर सिंह र मोहम्मद हुसेनको पहिचान भएको छ भने अन्यको पहिचान हुन नसकेको प्रहरीले जनाएको छ । घाईतेहरुलाई उपचारका लागि जम्मु स्थित एक अस्पतालमा भर्ना गरिएको छ । 

प्रहरी अधिकारीका अनुसार पहिरोमा पुरिएर एक प्रहरीसहित ११ जनाको मृत्यु भएको हो । विहान पौने ११ बजे गएको पहिरोले एउटा मिनि बस र एउटा कारमा क्षति पुगेको डीजीपी शेश पाल ट्वीटमार्फत जानकारी दिएका छन् ।