एजेन्सी । यमनको राजधानीमा रहेको एउटा होटलमा बुधबार भएको हवाई आक्रमणमा परी मर्नेको संख्या ३५ पुगेको छ ।अमेरिका नेतृत्वको हवाई सेनाले गरेको आक्रमणमा मारिएका सवै सामान्य नागरिक रहेका छन् ।

 

आक्रमण भएको होटल अर्बाह जिल्लाको बाईट अल इदहार क्षेत्रमा रहेको छ । अहिलेसम्म ३५ जना शव भेटिएको र मारिने मध्ये सवै पुरुष रहेको सुरक्षा अधिकारीहरुलाई उद्धृत गर्दै सिन्हवाले जनाएको छ ।

 

यमनी सरकारलाई समर्थन गर्दै आएका साउदी अरेबियाआवद्व संयुक्त गठबन्धनले सन् २०१५ को मार्चदेखि आक्रमण थालेको हो । साउदी अरबको समर्थन रहेको यमन सरकार र इरानको समर्थन रहेको हुथी विद्रोहीबीच सन् २०१५ बाट जारी युद्धमा हालसम्म आठ हजार ३०० भन्दा बढी व्यक्तिको मृत्यु भइसकेको छ ।